Rotschléi fir Waasser ze spueren

Wéi de Waasserverbrauch réduzéieren ?

Mat Hëllef vun e puer Tipps léisst sech den deegleche Waasserverbrauch bis zu 50% reduzéieren.

Eng ekonemesch Toilette benotzen, déi nëmmen 6 resp. 3 Liter Waasser verbraucht
Sech duschen (30 – 50 Liter) amplaz an d’Buedbidden ze goen (140 – 160 Liter)
Den « ekonomesche » Knäppchen vun der Toilette benotzen.
Während dem Aseefen d’Waaser zoudréinen – E Becher beim Zännbotzen benotzen.
En Duerchflussregler installéieren: De Waaserduerchfloss ass op eng bestëmmte Maximal-Quntitéit beschränkt.
De Krunn während dem Zänn- oder Hännwäschen zoudréinen a wann der Iech raséiert.
Net ze lang waarden fir Waasserfuiten ze flécken. D’Waasser dat dobäi ausleeft, kascht Iech bis zu 100.000 Liter pro Joer!

E Bac fir d’Reewaasser opzefänken
Nëmmen netzen wann et wierklech néideg ass
Net de réelle Verbrauch vun de Planzen iwwerschätzen
Netzt d’Planzen, net d’Betongsplakken
Netzt d’Planzen, wann d’Temperaturen méi niddreg sinn, d.h. Owes a net während dem Dag
Op d’Netzen vum Wues verzichten
Fir d'Notzen vun Uewerflächewaasser (vu Waasserleef, inklusiv der Uelzecht) ass eng Autorisatioun erfuerderlech.

Den Auto net ze oft wäschen
Fir den Auto ze wäschen, d’Waasser an en Eemer maachen a net mam Schlauch wäschen
De Car Wash notzen – dëst Waasser gëtt e puermol geholl an dat gebrauchte Waasser gëtt do no den ekologesche Regelen traitéiert.

D’Uebst an d’Geméis net ënnert dem lafende Krunn botzen. Éischter eng Schossel huelen a no dem Botzen d’Waasser fir d’Netze vun de Blummen notzen.
Eng Marite benotzen, mat däer Dir d’Geméis an d’Gromperen mat wéineg Waasser an Energie préparéiere kënnt. Positiv Niewewierkung : D’Nährstoffer an de Liewensmëttelen bleiwen a gréisserem Ëmfang erhalen.
D’Gedrénks net ënnert dem lafendem Krunn killen, mee an de Frigo stellen.

D’Maschinnen nëmmen umaachen, wann se voll sinn.
Virdrun ofspullen ass net néideg
Desöfteren geet den ekonomesche Programm (50°/55° C Waassertemperatur) duer fir d’Geschier uerdentlech ze spullen.
Keng Virwäsch fir normal, manner knaschteg Wäsch
Eng nei Wäschmaschinn hafen. Déi eeler Modeller hunn e Waasserverbrauch vu 60 Litre oder méi, géint iwwer vu 40 Liter oder manner bei deene méi rezente Modeller.
Eng nei Spullmaschinn kafen. Déi eeler Modeller hunn e Waasserverbrauch vu 15 Liter oder méi. Géint iwwer 12 Liter oder manner bei deene méi rezente Modeller.

Direkt déi Krunnen flécken, déi drëpsen. Futtis Krunnen loossen Iech bis zu 800 Liter Waasser am Joer verléieren.
E Loftmixer installéieren: d’Waasser vermëscht sech mat Loft, den Duerchfloss bleift dee selwechten, mee déi effetkiv Waasserquantitéit ass manner.
Mitigeuren installéieren, déi d’Waasser automatesch op déi gewënschten Temperatur bréngen an et direkt zur Verfügung stellen. D’Waasser däerf eréischt lafen, wann déi richteg Temperatur erreecht ass.