Eng Gebuert déklaréieren

De Papp, d'Mamm, den Dokter, d'Hiewamm oder eng aner Persoun déi beim Accouchement dobäi war, muss bannent 10 Deeg no der Gebuert an de Bureau vum Service „État Civil“ an der Gemeng goen, wou d'Kand gebuer gouf.

Vergiesst net folgend Dokumenter matzebréngen:

• den Zertifikat vum Dokter;
• d‘Familljebuch (wann zoutreffend);
• d‘Identitéitsdokument vum Elterendeel, deen d’Gebuert deklaréiert (carte d‘identité oder Pass);
• den „acte de mariage » (wann zoutreffend).

Dir kritt och eng gewëssen Unzuel vu Zertificater betreffend d’« prestations familiales », déi Dir direkt am Populatiounsbüro kënnt stempele loossen, fir se dann un d’« caisse des prestations familiales » ze schécken.

Wann d'Kand am Ausland gebuer gouf, mellt Iech wgl. beim Populatiounsbüro fir d‘Aschreiwung am Register vun der Gemeng Hesper.