Hesper Beweegt Sech

“Hesper beweegt sech“ ass e Sportsprojet, deen aus engem Accord resultéiert tëscht der Gemeng Hesper, dem Sportsministère, der ASBL „Service Enfants et Jeunes de la Commune de Hesperange“ an, zanter September 2014, dem “Ministère de l’Educatioun Nationale, de l’Enfance et de la Jeunesse”.

Et handelt sech ëm e Projet, deen an Zesummenaarbecht mat der Maison Relais, de Sportsveräiner, de Schoulen an de Crèche vun der Gemeng Hesper gemaach gëtt an als Zil huet, d'Motorik vun de Kanner vun 1 bis 12 Joer duerch kierperlech Aktivitéiten a Sport ënnert engem net kompetitiven Aspekt ze promovéieren.